| Descripción
| Igrexa de planta de cruz latina, cunha única nave cuberta de madeira que está dividida en tres tramos por arcos faxóns de medio punto situándose o coro no terzo máis preto ós pés. A ábsida preséntase cuberta por unha bóveda de canón con arcos de reforzo, o igual cas capelas laterais contrapostas que conforman os brazos laterais dun cruceiro que se cubre cunha bóveda de arestas sen nervaduras de reforzo. A sancristía atópase tralo altar e está recentemente reformada. Os muros son de cachatería ben executada con ocos recercados de cantaría e pilastras adousadas marcando ó exterior os arcos faxóns internos.
A fachada é de cantería cunha torre alta, que destaca con respecto á horizontalidade do edificio, con dous corpos superpostos, o primeiro cadrado e o segundo octogonal e cuberto cunha pequena cúpula. Estra torre levántase no frontis da fachada, no que se abre un rosetón que dá ó coro. A porta principal carece de decoración. |
|---|
