| Descripción
| Capela de Santo Antón, situada no Campo da Feira, onde se celebraban ditos eventos. Formada por unha nave de teito moderno, arco triunfal, capela maior con sinxelo artesonado e sancristía detrás. O presbiterio ten o chan de pedra e o resto en cemento. A sancristía ten a entrada polo lado esquerdo, ó igual ca nave, e no dintel da porta lateral está a data de 1.751. No presbiterio, inmediato ó altar maior hai un fermoso retablo do século XVIII, con columnas salomónicas e imáxes laterais de San Ramón Nonato, Santo Antón de Padua e a imaxe da Inmaculada ó óleo, tamén do séculos XVIII. Na sancristía está a imaxe de Santo Estanislao de Koska do século XVIII. |
|---|
