| Descripción
| Dominando o entorno, a igrexa de orixe románico só conserva da fábrica primitiva a ábsida rectangular, con bóveda de canón e dividido e dous tramos por un arco faixón sobre semicolumnas de bases comúns, plintos con garras, dados con arquiños e círculos incisos; os capiteis son de variada ornamentación; o dereito con follas de acanto perfiladas por liñas e bolas nas puntas; o esquerdo cunha figura humana de brazos desproporcionadamente alongados. Máis atrainte é o arco triunfal, de medio punto e sección rectangular, con arquivolta exterior de baquetón perfilada de escocias emboladas e guarnición de billetes no bisel. Altar pétreo con base dunha primitiva pía bautismal. Nave cuberta a dúas augas. Muros caleados e cegos. Frontis de sillería de granito con porta alintelada e espadana de dúas troneiras. Con frontón triangular moldurado e con oco central e pináculo.
|
|---|
