| Data de construción |
Século XIX. |
---|
Descricion |
Edificio de planta única cunha sancristía apegada ó muro norte do presbiterio. Ten cuberta a dúas augas con cubrición de tella curva do país. No interior posúe unha bóveda de medio punto, sostida por arcos faixóns que van delimitando os diferentes tramos da nave. Un arco triunfal sostido sobre pilastras, dá paso ó presbiterio.
A fachada de traza pentagonal e no eixo vertical central, de abaixo arriba conta cunha porta rectangular adovelada. Sobre o ingreso unha xanela rectangular que, ó igual ca porta, ten os marcos moi remarcados. Nos estremos inscríbense, de modo clásico e acentuado a simetría nunha orde xigante, cadansúas pilastras que, tras unha liña de perpiaños, dan paso a unha cornixa flanqueada por pináculos piramidais. E esa cornixa que rompe o vértice da fachada, unha base para unha espadana de dous corpos de recente construción, misturando a pedra da fachada co formigón da espadana. O primeiro corpo formado por dous ocos rectagulares, serven pra aloxa-las dúas campás. O segundo corpo, un frontón triangular, franqueado por dous pináculos piramidais, e rematado por unha cruz de forxa.
Como noutras igrexas do rural galego, aparece o cemiterio dentro do recinto do adro, formando un conxunto onde conviven a parroquia dos mortos e a parroquia dos vivos. |
---|
Campás |
2 campás. |
---|
AutorTROIANO CARRIL, Xosé / PATRIMONIOGALEGO.NET (04-02-2021) TROIANO CARRIL, Xosé / CAMPÁS E RELOXOS MONUMENTAIS DE GALICIA (25-09-2022) |
|