| Data de construción | Século XIX. |
|---|---|
| Descricion |
Situada ós pés do Monte Pindo, a igrexa de Santiago de Arcos está ubicada sobre un vello castro. Este templo é de cruz latina a que se lle engadiu a sancristía nun lateral da cabeceira. A construción realízase a base de muros de cantería na fachada principal, mentres que a cachotería emprégase no resto da edificación. A nave cóbrese con cuberta a dúas augas, mentres que o cruceiro e a ábsida presenta tellado a tres augas. A fachada constitúe o elemento máis destacado de todo o conxunto. O acceso ó interior do templo faise mediante un pórtico lixeiramente recuado, formado por un arco de medio punto peraltado e abovedado no seu interior. Sobre o lintel da porta de acceso aparece unha estatua de San Pedro coa chave na man, ó contrario do que é usual xa que no seu lugar tería que aparece-la imaxe do santo titular. A decoración concéntrase na parte elevada, que crea sensación de inestabilidade, especialmente o campanario, de planta cadrada con dous corpos. O segundo deles desenvolve toda a gramática decorativa compostelá cribada polo saber facer dos canteiros campesiños. |
| Campás | 2 campás. |
| Autor | |
