27816 VILALBA
| Data de construción | Século XX |
|---|---|
| Descricion |
Campá única da antiga escola Sociedad Progreso de Lanzós fundada en 1920. Fundida por Constantino Linares en Carabanchel Bajo, Madrid. Edificación inaugurada no ano 1921 feita en cantaría granítica e cachotaría, con planta rectangular e cuberta a catro augas. A fachada principal presenta un pano simétrico de ocos escarzanos, os do primeiro andar con pequenos voadizos protexidos cun enreixado metálico. O conxunto remata cun édiculo de liñas curvas feito en pedra granítica que remata cunha pequena campá. Neste edículo podemos ver un reloxo de agullas e que unha inscrición nunha praca de mármore coa seguinte lenda: “SOCIEDAD PROGRESO DE LANZOS INAUGURADA 1920”. Este edificio foi promovido pola sociedade “El Progreso de Lanzós”. No pasado funcionou como centro de ensino primario (ata a década dos 80 do século pasado), vivenda do mestre e centro de reunións do Sindicato Agrario. No presente funciona como Centro social da asociación de veciños e telecentro. |
| Campás | 1 campá. |
| Autor | |
