Inventario de campás
Igrexa de San Cristovo de Lema - CARBALLO (GALICIA)
Referencia 10380
Lugar da Igrexa, 34.
15105 CARBALLO
Descricion Trátase dunha igrexa que posúe unha planta rectangular, cunha nave e presbiterio; este último separado da nave principal por un arco triunfal sustentado por dúas columnas con capiteis historiados e, apegado o seu muro sur a sancristía. A estrutura da cuberta é a dúas augas, cunha cubrición de tella curva do país. O interior, de escasa ornamentación, cóbrese cunha bóveda rebaixada de cemento.
En canto a fachada, de forma pentagonal e dende un eixo vertical central, organízase de abaixo arriba, mediante unha porta rectangular adovelada, con decoración de molduras e friso sobre lintel. Sobre o ingreso vai unha pequena fornela con forma de vieira que acolle á figura pétrea de San Cristovo, enriba desta un pequeno óculo que ilumina o coro. Rompendo o vértice da fachada unha base para unha espadana de dous corpos composto de dous arcos de medio punto sobre piares moldurados que serven pra aloxa-las campás. O segundo corpo descansa sobre unha cornixa, rematado por un frontón triangular moi moldurado no que se abre un arco de medio punto flanqueado por dous pináculos con bóla e todo o conxunto está coroado por unha cruz octogonal de pedra. O acceso ó campanario efectuase a través dunhas escaleiras interiores das cais, o derradeiro tramo discorre polo penal da cuberta.
Campás 2 campás.
Editor da ficha TROIANO CARRIL, Xosé
Actualización 26-03-2026