32577 MASIDE
| Data de construción | Século XII-XVIII |
|---|---|
| Descricion |
Edificación do século XII feita a base de perpiaño granítico labrado e escuadrado e coas unións encintadas. Planta rectangular dunha soa nave e ábsida cadrada (reformada no século XVIII). Posúe unha sancristía engadida a carón dun dos muros laterais. Na fachada principal podemos ver unha porta de acceso flanqueada por dous pares de columnas. A porta posúe tres arquivoltas lixeiramente apuntadas. O tímpano contén un gravado da Cruz de Santiago. Por riba da porta destaca un tornachuvias en escocia trenzada e sobre catro canzorros. A espadana, con dous ocos con arcos de medio punto, é de factura recente. Os muros laterais destacan pola decoración dos seus canzorros, especialmente os do muro sueste. Sobre o vértice da nave podemos ver un Agnus Dei sen cruz ante fixa. No interior da igrexa destacan varios elementos: * O arco triunfal de medio punto apoiado sobre columnas. Nelas destacan os seus capiteis. O da esquerda que representa a loita dun home armado con coitelo cun animal salvaxe; o da dereita é máis floral, cun conxunto de arcadas entrelazadas. * A capela maior, reformada en época posterior, ten bóvedas finxidas e unha cornixa con imposta decorada con cuadrifolios. * O retablo maior, de época barroca na que podemos ver as imaxes de San Pedro e San Paulo. A igrexa tivo outro Agnus Dei, que hoxe podemos ver na Reitoral, situada ao seu carón. |
| Campás | 2 campás. |
| Autor | |
