32691 TABOADELA
| Descricion |
Templo románico con engadidos barrocos, de planta rectangular coa ábsida menos elevada con respecto da nave que conta cunha sancristía lateral de notable tamaño. Aquela protexese a través de unha cuberta a dúas augas, mentres que a sancristía gorecese baixo unha cuberta a tres vertentes. Os seus muros levántanse en perpiaño granítico de boa calidade en aparello de opus quadratum. A fachada principal conta cun único oco, a porta de aceso, gorecida baixo un arco de medio punto enmarcado por unha chambrana axadrezada. Este arco, de orixe medieval, da lugar a un tímpano liso no que se realizaron unha serie de inculturas cruciformes de carácter popular. Na cimeira, rematando en altura o conxunto, unha esvelta espadana de forma piramidal e dous corpos que acolle dous sinos na sección inferior, deixando libre o superior, dun só oco, que se amosa acompañado por pináculos e edículas ornamentais. Neste templo conviven harmonicamente elementos románicos e barrocos. Entre os primeiros cabe sinalar á ábsida semicircular, de menor tamaño que a nave, que aínda conta con canzorros figurados soportando o tellado xunto a un conxunto de arcos lombardos que percorren perimetralmente a ábsida. Coroa a cumeira un Agnus Dei cunha cruz latina chantada no lombo, un elemento de clara filiación románica. |
|---|---|
| Campás | 2 campás. |
| Autor | |
