36868 SALVATERRA DE MIÑO
| Descricion |
Fabricada en perpiaño, e de pequenas dimensións, a igrexa parroquial ten unha planta rectangular rematada nunha cabeceira máis estreita e alta que a nave principal. Pegada a un lateral ten a sacristía. A fachada principal, sen excesivo ornato, ten unha ventá alintelada como único van. Sobre o arco de medio punto que cobixa a porta principal de acceso, levántase unha pequena fiestra que rompe a continuidade das súas formas. A construción remata cunha torre de espadana que alberga dúas campás e ás que se accede a través dunha escalinata con varanda de ferro disposta recentemente á marxe esquerda do edificio. A igrexa presenta similitudes arquitectónicas con outras igrexas parroquiais do municipio, aínda que recentemente foi sometida a algunhas reformas emprendidas grazas á importante doazón económica que fixo unha veciña. No seu interior atópase un altar barroco e diferentes imaxes, algunhas máis antigas que outras, pero todas en moi bo estado de conservación. |
|---|---|
| Campás | 2 campás. |
| Autor | |
