Inventario de campás
Igrexa de Santo Estevo de Queiruga - PORTO DO SON (GALICIA)
Referencia 15404
Lugar da Igrexa, 3.
15998 PORTO DO SON
Descricion A igrexa parroquial de Santo Estevo de Queiruga está datada entre os séculos XII e XVIII, sendo de estilo románico e barroco.
De orixe románica, desta época aínda conserva o presbiterio. O resto foi remodelado nos séculos posteriores. Planta de cruz latina con muros de carga co exterior de cantería e cachotería no interior, que sosteñen unha bóveda de canón rebaixada na nave central. Dous arcos de medio punto sobre pilastras dan paso as capelas laterais. O legado románico é evidente na cabeceira onde un arco de medio puno dá paso ao presbiterio, cuberto por bóveda de canón sobre arcos faixóns apoiados en semi-columnas con capiteis e basas ornamentados. No lado do evanxeo está a sacristía, de planta irregular adaptada ao terreo. Os canzorros da cornixa que se conservan na capela maior destacan no exterior, o mesmo que o contraforte correspondente ao arco intermedio. A fachada é posterior, sobre a que vai un campanario de dous corpos, cuberto por cupuliña.
No interior consérvase unha importante lápida romana dedicada a Rufinus Seiliensis, que serviu de base do altar ata 1822. Aparecera na praia de Seiras e é de mármore branco en bo estado de conservación.
Campás 2 campás.