Inventario de campás
Igrexa parroquial de San Xurxo - A CORUÑA (GALICIA)
Referencia 9779
Rúa Pio XII, 19.
15001 A CORUÑA
Data de construción Século XVIII.
Descricion A igrexa parroquial de San Xurxo da Coruña empezouse a construír sobre o ano 1725. A fachada actual é obra de Clemente Fernández Sarela, dos anos 1756-1766. Esta fachada é un corpo saínte, no que destacan dúas grandes columnas dóricas sobre podio a ámbolos lados da porta, enmarcando fornelas laterais. A banda central recorda á arquitectura de Simón Rodríguez, ó superpoñer un esquema tripartito formado por porta-fornela-ventá e un edículo con aletóns. Destaca a decoración a base de placas, ás veces recortadas e pequenas; outras alongadas e rematadas en disco e outras colgantes. As torres laterais teñen tres corpos e quedan lixeiramente retrasadas. A torre norte non se rematou ata o ano 1760, e a torre sur rematouse en 1906 grazas a A. Reboredo Blanco.
Campás 6 campás.
Editor da ficha TROIANO CARRIL, Xosé
Actualización 30-10-2022