| Data de construción |
Séculos XII-XIII. |
---|
Descricion |
A igrexa de Vilastose está situada no lugar da Grixa, Pertence ó concello de Muxía, aarciprestazgo de Nemancos e diócese de Santiago de Compostela.
Ten unha planta de salón con dúas capelas ós lados. simulando un cruceiro. No século XX cambiouse o teito ó engadírselle unha cuberta de placa de formigón.
Ós pés levántase un coro alto de cemento e un espazo adicado o baptisterio. A capela maior, de planta rectangular, presenta unha cima-recta tallada en granito, que marca a liña de imposta desde que arranca a bóveda. As dúas capelas que se abren á nave central, ó norte e ó sur respectivamente, están adicadas á Nosa Señora do Rosario e á Concepción. A primeira foi fundada por don Cristobal de Pazos, fidalgo local; e a segunda pola familia dos Agulleiro, en época barroca. A sancristía, con acceso desde ó interior do presbiterio e desde o exterior do templo, cóbrese cunha bóveda granítica de canón, lixeiramente apuntada. Unha das singularidades do uso proxémico do espazo nesta parroquia é a colocación de elementos da arquitectura popular como o hórreo, xunto a outros de carácter relixioxo como o campanario. Unha espadana de estilo barroco, desprazado da súa localización habitual da igrexa. A espadana ten dous ocos en arco de medio punto sobre unha base de perpiaño e rematado por un frontón curvo partido flanqueado por dous pináculos e rematando o conxunto por unha cruz de granito. |
---|
Acústica, afinación das campás |
Hai algunhas igrexas que teñen unhas espadanas exentas nun lugar máis alto, como é o caso. Así cando tocan, o son chega máis lonxe, por que ademais non ten ningún obstáculo derredor. |
---|
Campás |
2 campás. A maior de 1903, fundida por d. Melchor Ocampo e a menor de 2001 fundida polos Ocampo en Arcos da Condesa. |
---|
AutorSORALUCE BLOND, J.R. e FERNÁNDEZ FERNÁNDEZ, X (Arquitecturas da provincia da Coruña, Tomo IV) (1997.--) GARRIDO, Santiago / CAMPÁS E RELOXOS MONUMENTAIS DE GALICIA (FACEBOOK) (18-04-2021) GARCÍA QUINTÁNS, Modesto (11-09-2021) BERNAL TORTOSA, Vicente Jesús / CAMPÁS E RELOXOS MONUMENTAIS DE GALICIA (FACEBOOK) (14-01-2022) TROIANO CARRIL, Xosé / CAMPÁS E RELOXOS MONUMENTAIS DE GALICIA (FACEBOOK) (14-01-2022) |
|