27229 FRIOL
| Data de construción | Século XIII. |
|---|---|
| Descricion |
A igrexa de San Pedro de Anafreita é unha construción románica do século XIII, de planta rectangular, cadeirado de granito e cuberta de lousa a dúas augas. Os muros exteriores da ábsida conservan varios modillóns lisos, mentres que o presbietrio atópase enmarcado polo arco triunfal. O retablo maior, localizado no presbiterio da igrexa é de estilo neoclásico, pola súas características técnicas e estilísticas pode datarse no século XIX. A estrutura é moi sinxela, consta dun corpo principal dividido en tres rúas, cada unha das cales alberga unha escultura. Os dous retablos laterais , datados no século XVII son de estilo barroco. É posible que procedan do mosteiro de Sobrado dos Monxes. Os capiteis románicos forman parte das columnas que sosteñen o arco triunfal. Son de inspiración vexetal e presentan un sogueado na liña de unión co fuste liso das columnas. Realizados en pedra granítica, pertencen á época de construción da igrexa, no século XIII. A pía de auga bendita ten un sinxelo adorno xeométrico sobre a parede. |
| Campás | 1 campá. |
| Autor | |
