36568 FORCAREI
| Descricion |
Igrexa dunha nave con planta de cruz latina polo adousamiento de dúas capelas laterais opostas, ábsida destacada en altura cuberta a catro augas, sacristía adousada polo norte e pórtico sobre columnas no muro sur con cuberta a unha auga. Fachada con portada de arco alintelado recercada de moldura plana, flanqueada por pilastras rematadas en pináculo. O templo de Pardesoa conserva o seu corpo orixinal, de finais do século XV, pero foi obxecto de varias reformas, entre elas a do ano 1625, realizada polos mestres Xoán de Cadavide e Bartolomé Piñeiro, que traballaron na capela maior e na sancristía, e unha posterior revisión que foi efectuada por Pedro de Barro e Andrés García. A actual fachada data de 1822 e foi executada por mestres da propia parroquia, constando de tres corpos: o primeiro, no que figura a portada alintelada sobre a que se sitúan unha pequena xanela circular e unha fórnice coa imaxe da Virxe; o segundo, con dous arcos peraltados que albergan senllas campás, e o terceiro, un pequeno frontón de liñas onduladas e rematado en tres pináculos. |
|---|---|
| Campás | 2 campás. |
| Autor | |